هى مين دى إللى بتقرب وتبعد ؟ واى اللخبطه
دى كلها ؟
.
كلامنا النهارده عن التكنولوجيا وعلاقتها بالعلاقات الإجتماعية ، بما إنى بكلم إنسان معاصر لو حطيتلو كلمه صعبه شويه ف وسط الكلام هيتعقد ومعدش هيقرأ فمش هقول إن التكنولوجيا سلاح ذو حدين والكلام دا ، كلامنا هيبقى بسيط.
لو ليك شخص قريب ليك وليكن مسافر وأنت معندكش الإمكانيات تروحلوا اى إللى بتعملو علشان تتواصل معاه ؟
ايوا.. بتمسك تليفونك تتدردش معاه ، تكلمو صوت وصورة وحاجه زى الفل. تخيل كدا مكنش فى نت أو تلفون تكلمو عليه.. هتبعتلو حمام زاجل ؟وهنا نشكر الآنسة تكنولوجيا على اللى عملتو معانا وتتردلها ف الافراح إن شاء الله .وزى ما كل حاجه ف الدنيا ليها جانب ابيض فبردو ليها جانب اسود زى الهباب بالظبط ، هبسطهالك ، دلوقتى انت كشخص متعلق بالتكنولوجيا قاعد على جهازك أيا كان نوعه فاتح فيس ، تويتر، واتس أب ، فايبر ، انسجرام ، ماسنجر وغيرو.. منزل كتاب pdf وبتقرأه لحد ما قربت تتعمى ، وقتك إللى المرفوض بتقضيه مع عيلتك حضرتك تبرعت بيه علشان الانسه تكنولوجيا .. بتخرج مع صحابك علشان تعمل تلت حاجات تاكل ، تتصور ، تفتح فيس ... دا الواقع المر ، مفيش وقت تتأمل فيه ، تفكر ، تشغل عقلك ، تقرب من اهلك ، وقتك كلو عالسوشيال ميديا ، يعنى ما شاء الله بوظت علاقتك مع اهلك والناس الف مليون مبروك ، كمان بعُزلتك عن الناس أنت بتتحول لشخص منطوى معندوش ثقه ولا هيقدر يتعامل مع اى مشكله ف الواقع لانو يدوب عايش ف عالم وهمى عازله عن الواقع .
كلامنا النهارده عن التكنولوجيا وعلاقتها بالعلاقات الإجتماعية ، بما إنى بكلم إنسان معاصر لو حطيتلو كلمه صعبه شويه ف وسط الكلام هيتعقد ومعدش هيقرأ فمش هقول إن التكنولوجيا سلاح ذو حدين والكلام دا ، كلامنا هيبقى بسيط.
لو ليك شخص قريب ليك وليكن مسافر وأنت معندكش الإمكانيات تروحلوا اى إللى بتعملو علشان تتواصل معاه ؟
ايوا.. بتمسك تليفونك تتدردش معاه ، تكلمو صوت وصورة وحاجه زى الفل. تخيل كدا مكنش فى نت أو تلفون تكلمو عليه.. هتبعتلو حمام زاجل ؟وهنا نشكر الآنسة تكنولوجيا على اللى عملتو معانا وتتردلها ف الافراح إن شاء الله .وزى ما كل حاجه ف الدنيا ليها جانب ابيض فبردو ليها جانب اسود زى الهباب بالظبط ، هبسطهالك ، دلوقتى انت كشخص متعلق بالتكنولوجيا قاعد على جهازك أيا كان نوعه فاتح فيس ، تويتر، واتس أب ، فايبر ، انسجرام ، ماسنجر وغيرو.. منزل كتاب pdf وبتقرأه لحد ما قربت تتعمى ، وقتك إللى المرفوض بتقضيه مع عيلتك حضرتك تبرعت بيه علشان الانسه تكنولوجيا .. بتخرج مع صحابك علشان تعمل تلت حاجات تاكل ، تتصور ، تفتح فيس ... دا الواقع المر ، مفيش وقت تتأمل فيه ، تفكر ، تشغل عقلك ، تقرب من اهلك ، وقتك كلو عالسوشيال ميديا ، يعنى ما شاء الله بوظت علاقتك مع اهلك والناس الف مليون مبروك ، كمان بعُزلتك عن الناس أنت بتتحول لشخص منطوى معندوش ثقه ولا هيقدر يتعامل مع اى مشكله ف الواقع لانو يدوب عايش ف عالم وهمى عازله عن الواقع .
عيد الأضحى ، عيد الفطر ، رمضان ، عيد
ميلاد ، جوازة ، نجاح .. حضرتك هتكتفى تبعت رساله تهنئة وخلاص .. تخيل كدا لو كنت خدت
نفسك وروحت تعايد الناس ف بيتها .. كنت هتكسب حاجات كتير
عمتك التكنولوجيا عنها .
تخيل كدا بقا بعد كام سنه لو الروبوتات بما انها من ضمن التكنولوجيا دخلت حياتنا بشكل كبير .. هتنضف وهتطبخ وهتغسل وهتعلم وتشيل وتحط وتروح وتيجى.. الروبوتات هتعمل كل دا وأنت قاعد ! ، لو دا حصل فالحياه هتبقى عبارة عن روتين ممل متكرر ، المشاعر هتختفى أو بالأدق هتنقرض .
تخيل طفل يكبر قدام شاشه تليفزيون بدون متابعة من الاهل ، يا عالم هيشوف اى وهيسمع اى ؟ وف النهايه دا طفل هيقلد اى تصرف يشوفه أو يسمعه .. وهيكبر علشان نقول عليه هو وصحابه جيل فاشل ، مع أن العيب من الأهل إللى مراقبوش ومخصصوش وقت محدد للطفل يتعامل فيه مع التكنولوجيا.
وكمان التكنولوجيا عامةً بتجيب اكتئاب لانك عمال تسمع عن حوادث حصلت ف العالم كلو وناس ماتت وناس انتحرت وناس مريضه هتكتئب ومش بعيد تنتحر .
انسان + تكنولوجيا + طريقه استخدام خاطئة = كائن حى فاشل ومريض ومنعزل.
طب ازاى نستخدم التكنولوجيا بطريقه سليمة ؟
هنقلل الوقت مع وجود استراحات نتحرك فيها علشان ننشط الدورة الدموية ، نستخدمها بفترات متقطعة ، نستخدمها ف شئ مفيد زى قراءه كتاب أو التواصل مع شخص بعيد ، الابتعاد عن المحتويات التافهه إللى بتضيع الوقت وبس ، نستخدمها لاكتساب معلومه .
ف النهايه حبيت اقول ان التكنولوجيا سلاح ذو حدين
والاذكى من يحسن الاستعمال لانه الفايز ف النهايه .
تخيل كدا بقا بعد كام سنه لو الروبوتات بما انها من ضمن التكنولوجيا دخلت حياتنا بشكل كبير .. هتنضف وهتطبخ وهتغسل وهتعلم وتشيل وتحط وتروح وتيجى.. الروبوتات هتعمل كل دا وأنت قاعد ! ، لو دا حصل فالحياه هتبقى عبارة عن روتين ممل متكرر ، المشاعر هتختفى أو بالأدق هتنقرض .
تخيل طفل يكبر قدام شاشه تليفزيون بدون متابعة من الاهل ، يا عالم هيشوف اى وهيسمع اى ؟ وف النهايه دا طفل هيقلد اى تصرف يشوفه أو يسمعه .. وهيكبر علشان نقول عليه هو وصحابه جيل فاشل ، مع أن العيب من الأهل إللى مراقبوش ومخصصوش وقت محدد للطفل يتعامل فيه مع التكنولوجيا.
وكمان التكنولوجيا عامةً بتجيب اكتئاب لانك عمال تسمع عن حوادث حصلت ف العالم كلو وناس ماتت وناس انتحرت وناس مريضه هتكتئب ومش بعيد تنتحر .
انسان + تكنولوجيا + طريقه استخدام خاطئة = كائن حى فاشل ومريض ومنعزل.
طب ازاى نستخدم التكنولوجيا بطريقه سليمة ؟
هنقلل الوقت مع وجود استراحات نتحرك فيها علشان ننشط الدورة الدموية ، نستخدمها بفترات متقطعة ، نستخدمها ف شئ مفيد زى قراءه كتاب أو التواصل مع شخص بعيد ، الابتعاد عن المحتويات التافهه إللى بتضيع الوقت وبس ، نستخدمها لاكتساب معلومه .
ف النهايه حبيت اقول ان التكنولوجيا سلاح ذو حدين
والاذكى من يحسن الاستعمال لانه الفايز ف النهايه .
Rahma Mohamed
انتي ازاي كده يبنتي🔥🖤
ردحذف