بدايةً كدا أحب أوضح معنى كلمه "مذنب "
عزيزى القارئ ..
المذنب دا عبارة عن جسم جليدى صغير بيدور ف النظام الشمسى.
طيب لى اختارت بالذات مذنب هالى علشان نتكلم عنو ؟!
مذنب هالى أقدم مذنب عرفته البشرية ، وكمان نال شهره واسعه اوى زمان وكل الحضارات كتبت عنو .. حتى العرب فى مختلف عصورهم كتبوا عنو ومعلومات دقيقه كمان ، وعلشان اكون صريحه بردو .. بعض العرب لخبطوا الدنيا بين مذنب هالى ومذنب " هيل بوب ومذنبا وضيف الشرف بيظهر كل 76 سنه ونسيت اقول ان العلماء قالوا انو شبه البطاطا
".طيب عماله تقولى مذنب هالى.. مذنب هالى.. يفرق فى اى يعنى عن الباقى ؟!
عزيزى القارئ
مذنب هالى بيحيط بيه قشرة خارجيه اغمق من الفحم بتغطى 70 %من نواته فبتمنع تكون الجليد عليه ، وبالنسبه لل 30 % الباقين فدا الجزء النشط إللى بيساهم ف انطلاق الغبار والغازات وديل المذنب .. منا نسيت اقولكم ان المذنب بديل
وقبل ما انسى.. بالنسبة لنواته فحبيت أقول أن العالم فريد ويبل قال انها صلبه وكمان سماها " كرةالثلج القذرة " .. اسم مقرف .. وبعدين اجى ليتلتون علشان ينفى كلام عم القذارة إللى فوق واثبت أن الكرة مش صلبه ، وأنها سحابه من غبار وغازات. اممممم ، طيب ازاى اكتشفوه ؟ حكايته اى يعنى ؟
الحكايه من الأول يا سيدى إن العالم " أدموند هالى " توقع بظهور المذنب دا سنه "1682" ولكن لسوء الحظ انو مات قبل ما المذنب يظهر ولكن دا ممنعش أن المذنب يتسمى بأسم العالم العظيم دا .
و ف سنه "1910" فى منطقة " وادى رم " بالأردن لأحظ بعض المراقبين ديله وكمان قدرو يشوفوا الانفجار إللى سببو المذنب وكمان صوروه .. وهنا بدأت الدول تتنافس علشان يجمعوا معلومات عنو اكتر.. فبعتت الولايات المتحدة مجس فضائى اسمو " بايونير " وقرب من المذنب يوم 9/2/1986 ، وأطلق الاتحاد السوفيتي مجسيين " فيجا - 1 ، فيجا +1" يوم 15 و 21 ديسمبر.. وكمان أطلق أوروبا المجس الفضائى جيوتو يوم 2/7/1985 والمجسات دى كلها قدرت تجمع أحدث الصور للمذنب وقدروا يعملوا أبحاث علميه دقيقه جدا وبعدها رجع المذنب المعقد دا لأحضان الفضاء .. وطنه بقا
.بس ثوانى .. حكايتنا مخلصتش.. يوم 12 فبراير 1997 الفلكييين رصدوا انفجار حصل لمذنب هالى من خلال مرصد فى الدنمارك لان المذنب كان على بعد 12.54 وحدة فلكية ، وتوقع فلكيون ان فى انفجار حصل يوم 17 ديسمبر اول سنه 1990 .. وافترضوا انو اصتدم بكويكب اصغر لذلك انفجر .. وللاسف الفلكيين هيعرفوا حقيقه الانفجار فى المرة الجايه سنه 2062 .. يعنى احتمال تكون ميت
.نهايه تعيسه كالعاده ..
.Rahma Mohamed
انتي جايه تفولي علينا؟!😂😂+بحب النوع دا من المواضيع جدا استمري
ردحذفربنا يطول ف عمرك 😂💙 + شكرا
حذفأنا عمري ما قرأت مكنتش أفتكر القراءة حلوه كده...أنا كده هتابعكم علطول بقا😂😂😂😂💕
ردحذف