بعنوان : سلسلة تقويم الخلق الحلقة رقم ١

اسلوبك وحش ومنفر؟؟يبقي المقالة دي ليك في مننا اسلوبه وحش ف الكلام وعارف كدا بس مش عارف يعمل اي؟؟ الحل الاستغفار كتير اذكار الصباح.. -اي علاقة ده بده؟ =انا هقولك،عارف لما تبقي بتاكل كتير وعاوز تخس لانك عارف ان الاكل كتير غلط فبتعمل اي؟بتعمل العكس ومع ذلك مبتقدرش تمسك نفسك بتروح تاكل بس تاكل حاجات خفيفة تسد جوعك بس متخنكش،كذلك الحكاية انت مش عارف تبطل تشتم ولا تقول كلام وحش فالحل انك تتكلم كلام حلو وزي ما اتعودت تقول كلام بذئ هتتعود تقول كلام حلو كله بالتدريج يعني القران نزل تدريجيا يبقي انت كمان اخلاقك هتتحسن والاهم من كل ده ان يبقي عندك نية ف الموضوع ده وتبقي مدرك خطورته زي الحديث ما بيقول(ليس المسلم بسباب ولا لعان ولا بذئ)يعني انت مش مسلم لما بتبقي بتشتم ولا روشنة منك ع فكرة الفاظك دي فلازم تحط نية ان الشتيمة حرام وانا هبطلها وتستغفر ربنا عشان يتوب عليك وتعطر لسانك بالكلام الحلو اللي هو الاذكار ولما النية تبقي حاضرة حاشا لله انه يشوف عبد بيتقربله وميعينهوش زي ما الحديث القدسي بيقول(اذا تقرب العبد مني شبرا تقربت منه ذراعا)يعني متخيل ربنا بجلالته وقدرته ورحمته لما يلاقيكي بتقدم خطوة هيقدم هو ذراع يعني بمثابة خطوات عديدة. طب جزائك اي؟ 1-مبدأيا اللي حواليك هيحبوك والاهم ان ربنا سبحانه وتعالي هيرضي عنك ويهديك وخطوة خطة هتتقرب لربنا اكتر كمان باذن الله. 2-هتبعد عن اذي الناس يعني تخيل واحد صاحبك قابلك قاللك ازيك يابن ال***وشتمك قمت انت قلت ربنا يسامحك استغفر الله ما انت اتعودت وكدا قام هيتكسف ع دمه وهيبطل يشتمك وانا بقترح عليك انك تبعد عنه لانه بيثير فتنة الشتيمة عليك الا طبعا لو قعدت تدعيله وتقوله الصح وهتكسب ثوابه لما يقتنع بكلامك. ننتقل لنقطة اخري ف نفس الموضوع {وَجَزَاءُ سَيِّئَةٍ سَيِّئَةٌ مِثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لا يُحِبُّ الظَّالِمِينَ} ده تحريض من القران صريح انك متشتمش وتعفو عن اللي قدامك وهنا يا اخواني واخواتي اكون خلصت بس يارب تكونوا اقتنعتوا تماما وابدا النهاردة بالخطوات وان الله هو المستعان وتذكر ان الكلمة الطيبة صدقة  #لن_ابلغ_حتي_ابرح_الجنة

                                                                                  فرح سامح