كتير مننا داخل على ضغط كبير الفترة الجايه...منا اللي داخل على دراسه وفيه اللي داخل على شغل وفيه اللي ظروفه منيله بستين نيله..!
بس المشكلة مش فضغط الدراسه ولا الشغل ولا الظروف....لا لا اطلاقا...
انت عارف المشكله فإيه...؟!!
في كائن رخم كدا بتلاقيه لما بتروح أي مكان اللي هوا تحسه كانوا بيأكلوه زباله وهوا صغير!!!
اللي هوا يقولك...شد حيلك السنادي يا حبيبي بدل الكحك اللي بتجيبه آخر السنه...انت مشفتش فلان بن فلان...دا آينشتاين زمانه...
ولا اللي يقولك...انت بتقبض كام؟!!...بتقول كام؟!!! ودول يعيشوك ازاي...دانا بقبض تريليون جنيه ومش مكفينني...وعندي قصر فروما وواخد النيل لحسابي...وبلا بلا بلا...
احنا مش هنفرح بيكي بقا يا حبيبتي...انتي خلاص كبرتي مبقتيش صغيره...هتعنسي كده يا ماما ومحدش هيعبرك...تحبي أشوفلك عريس؟!!
ايه دا مبتذاكريش ايه يا بنتي دا انتي بتحتي ليل نهار...بلاش اتكلم احسن تزعلي...خايفه على نفسك مالحسد...ما تخافيش مبحسدش!!
تخنتي جامد يا بنتي...مش هتبطلي أكل؟!!!...مش شايفه نفسك بقيتي عامله ازاي...دانتي بقيتي شبه الكورة الكفر..!!!
ايه دا...دا جبله مبيحسش مامته ماتت ومش باين عليه انه زعلان خالص...دا هيتشوي فنار جهنم..!!!
الهي يشووك زي الفراخ يا بعيد
...كااااااااااااااااااات.....
أكيد عالأقل عشر مواقف من دول بيتكرروا يوميا قدامنا...ودا بيندرج تحت مسميات كتيرة...
إما مشافش تربيه نص ساعه على بعض....متمسك بعاهات وتقاليد...ما اتعاملش مع بني آدمين قبل كده باين...بجح...نفسنة بناات...وتشوهات كتيرة وقتنا ميساعيهاش...
بص اعمل عبيط!!أيوه أيوه بتبصلي كدا ليه عبيط...
ابتسم ابتسامه كبييييييييييرة وبكل برود قول عندك حق...ببساطه لأن مجادلة الحمقى هي حماقة بحد ذاتها...
وكما قال الشاعر...
كبر تعيشها فالكنافه...فالكنافه نافه نافه...!! ؛)
فكها بقا...!
0 التعليقات:
إرسال تعليق