بسم الله ....
ان شاء الله نتكلم النهارده عن نظريات في ميكانيكا الكم اولا بعد ما اتفقنا انك موجب ووسيم في نفس الوقت مش عايز استغراب من الكلام اللي بيتقال كمان شويه ..
سنه 1924 اظهر العالم لويس فيكتور دبرولي ان الطبيعه المزدوجه لتسير على الالكترونات ايضا خلينا نقول ان كل حاجه في الدنيا مهما كانت مكونه من ذرات جواها الالكترونات تدور في مدارات حول النواة اللي بتكون من بروتونات ونيوترونات استنتج العلماء من كده ان كل حاجه في الدنيا ماديه زي انا وانت او انتى لنا طبيعه مزدوجه يعني ساعات نبقى موجودين ساعات مش موجودين عايشين ساعات مش عايشين ساعات فضائيين ساعات سكان الارض عادي احنا قلنا ما فيش استغراب..
وبعد كده جاء العالم شرودنجر سنه 1935 يثبت لماذا تتصرف الالكترونات والضوء بطبيعه مزدوجه وحط المعادله اللي في الصوره ان شاء الله ممكن نتكلم عليها كمان يومين بالكثير في بوست لان المقال حاجه عامه ف هنتكلم عليها بشكل سطحي دلوقت ، تعال نتخيل ان في الالكترونات لها طبيعه انها بتلف يمين وشمال حول النواه في احنا مش عارفين اذا كانت الالكترونات لفت يمين ولا شمال و احنا مش شايفينها ، ف المعادله بتقول طول ما احنا مش شايفنها الالكترونات دي بتتصرف بطبيعه مزدوجه اللي هي انها تلف يمين وشمال ده طول ما احنا مش هينفع ولكن لما نيجي نرصدها هنلاقي انه بيلف يمين او شمال وجاء هنا قطه شرودنجر المشهوره اللي عايشه ميته في نفس الوقت ونستنتج من هنا ان كل ذره في جسمك وجسمي لها حاله متناقضه و جسدك يحتوى على 1×10^27 ذره رقم مهول يعنى كدا انت ليك عدد لا نهائى من الحالات ينهااار ابيااااااااض
و مش كدا وبس الكون كمان بيتمون من ذرات يعنى عنده تقريبا عدد لا نهائى من الحالات ف اثبتنا كدا بتجربه.. اتجننتوا ولا لسه ... لسه
ونروح انت للتشابك الكمى" quantum entanglement " وعشان ما فهمتش انت كمان وكالعاده هنروح للإكترون لو افترضنا ان فى الكترونيين انا حطيت كل واحد صندوق فانا وشفت واحد منهم بيلف يمين التانى بنسبه 100% بيلف شمال ،، كدا يبقى فى قوى بتقدر تحدد تصرف الالكترونات فلو قولنا ان عادى الاكترونات كانت جمب بعض بكام سم ف احب اقولك لو البعد مبينهم المشترى و الارض هيحص نفس الكلام يعنى قوة التشابك الكمى مش بتتأثر بالمسافه ..
وطلع رأيين ف الموضوع دا
الاول لعمنا اينيشتاين لان الكلام ده مكنش عاجبه لانه بيدمر النظريه النسبيه بحيث ان الرساله او الموجه او الاشاره اللي بعثها الالكترون الاولاني للثاني عشان يتصرف عكسه بتوصل بسرعه مهوله ممكن تعدي سرعه الضوء اينشتاين قال ايه لكن هنضرب مثال واسف للرخص دا
احنا هنجيب جزمه فردتين واحده يمين و التانيه شمال اكيد نحط كل واحده منهم ف صندوق و نلغبطهم ف بالتالى احنا منعرفش انهو الفرده اليمين و انهو الشمال و ودينا صندوق امريكا و التانى ف روسيا ف لما تشوف الى ف امريكا و تلاقيه الشمال يبقى اكيد الى ف روسيا اليمين لان دى حاجه محسوبه منذ البدايه ..
الرأى التانى لعمنا نيلز بور قال ان نحط كل فرده ف صندوق برضو و نعمل كل حاجه و نوديها مكانين بعاد عن بعض هنلاقى ان احنا مش راصدين ولا صندوق ف كل فرده هتتصرف تصرف مزدوج بحيث ان الصندوق الاول فى فرده واحد بتتصرف انها يمين شويه و شمال شويه و التانيه كذالك و دا استنادا لكلام عمنا شرودنغر فلما نرصد فرده و نلاقيها الشمال الفرده دى هتبعت رساله او اشاره للفرده التانيه و بتقولها انها تتصرف عكسها على اساس انها اهتارت تكون شمال ف التانيه هتكون يمين ...
طب يبشا عشان انا توهت مين الى صح ... مش عايز اتوه حد بإختصار الدنيماركى نيلز بور هو الصح
الموضوع معقد جدا انا الحمد لله قدمت ٣ مقالات لشرح ميكانيكا الكم و بذلت فيها مجهود ف الحمد لله اولا و بشكر كل الى دعمونى عشان اكمل و شكرا
Ahmed Saeed
برااااافو عليك جدا انت مستخدم اسلوب بسيط وحلو جدا عشان توصل المعلومة استمر بجد راااااائع
ردحذف