أهم من الشغل تظبيط الشغل، وأهم من إنك تكون غني، إنك تبان غني وانك تكون فاهم الدنيا ماشية ازاي ...
البنت الكيوت اللي في الصورة، روسية من أصول ألمانية سافرت للولايات المتحدة، بس ظهرت في مجتمع راقي من مجموعة من الأغنيا على إنها وريثة لثروة ألمانية تُقدر بـ 67 مليون دولار.
كانت بتدي بقشيش 100 دولار في المرة الواحدة، تروح حفلات غالية، تلبس ماركات غالية جداً، وكمان تأجر طيارة خاصة
وكل ده شيكات بدون رصيد، تحايل على أصحابها الأغنيا، أوبس الكريديت كارد بتاعي اترفض، ممكن تحاسب وأوعدك هرجعهم تاني ؟
عزمت صديقة ليها اسمها راشيل على رحلة مدفوعة التكاليف للمغرب، قصر متأجر، وخادم خاص.. وهناك طبعا اتزنقت، وراشيل شالت عنها كام ألف طبعا وعدتها هترجعهم أول ما تتحصل على ثروتها
اللي بالمناسبة كانت بتتحجج إن الإجراءات هي اللي مأخرة الموضوع، عشان تنقل الثروة من ألمانيا للولايات المتحدة.
البنت دي دخلت المجتمع الراقي ورسمت لنفسها صورة بنت غنية، واتعاملت على الأساس ده، كانت في طريقها إنها تنشئ شركة فنية بإسمها، وطبعا كام حد من أصدقائها الأغنيا ممكن يشارك البنت المليونيرة؟
وخطتها إن بعد نجاح الشركة هتبدأ فعلا تسدد كل ديونها..
مش بس كده دي راحت البنك بوثائق مُزورة عشان تطلب قرض ب 22 مليون دولار
القرض اترفض طبعا، لكنها أخدت بداله سلفة بـ 100 ألف دولار.
وقت المحاكمات كانت بتتأخر ولما القاضية سألتها، ردت: "الهدوم اللي جابوهالي عشان ألبسها مكانتش تليق بستايلي في اللبس، فغيرتها"
مرتين والقاضية لما جابت أخرها قالتلها إنتي مش جاية عرض أزياء..
الحلوة الجميلة اللي عندها متابعين بالآلاف على انستاجرام لو اتحكم عليها هتاخد اكتر من 15سنة سجن.
بس تشغيل الدماغ حلو برده.. قصتهاهتتعمل مسلسل لصالح نتفلكس وهتنتجه منتجة جرايز أناتومي.
لا تفعل مثلها
0 التعليقات:
إرسال تعليق