كيان هامش

في الجزء دا أنا حبيت أوضح نفسية الشخص إلي حاسس إنه وحيد إزاي بس من نوع معين... أهله.. لما الأهل يكونوا مش قريبين للأولاد إلي هما مفكرين عشان هو بياكل وبيشرب ومش حرمينه من حاجه ماديه يبقي هو عايش مبسوط وفرحان .. هو بيبقي اه شايفينه كويس بس شايفينه مظهرياً مش داخلياً يعني إلي هو بيبقي جوا فراغ عاطفي ..مش إلي في دماغكم لأ ..إلي هوا بيكون حنيه الأهل.. ساعات الأم من كتر المسؤليات عليها بتكون ناسية أولادها غصب عنها مابتصدق تخلص إلي عليها وتريح والأب كذلك نفس النظام ، هنا الابن مظلوم مابينهم، قلبه فاضي من الحب، من الأمان ساعات ، مطرب نفساً ، حاسس إنه مش كامل ، عنده فراغ ، ومش عارف دا سببه اي ،مش محدد،مش مطمن ،مش مبسوط، ساعات بيبقي هادي كتير ، بس هادي ظاهرياً بردو ،عكس إلي جواه خالص .. جوا ميت صوت وصوت بيتكلم.. دوشة وإضطراب وزعيق وغضب وخناقه وبكي كمان .. اه بيبكي جواه .. ما هو مش عارف يعمل اي، مخنوق ومتلغبط... مش كائيب لأ.. آاايوااا هوا دا الشخص إلي بنقول عليه كائيب.. اه هو دا إلي بنقول عليه كدا.. بس هو اكيد مش حابب كدا .. هو حابب يكون طبيعي زي اي انسان عنده عيلة بتحتويه واصحاب بيفرح معهم جدا ويحس إنه مبسوط مش بيتظاهر بكدا... لأنه بجد بيبقي مخنوق وحاسس ديماً انه مش كامل وثقته بتكون إلي حد ما ضعيفة.. دا محتاج حد يكمله، حد يحسسه إنه مهم ، حد يخليه يثق في نفسه، حد يطمنه وقت مايكون ضعيف.... حد يكون بنسباله الأمان إلي كل مابيشوف من الدنيا يرجع يفضفضه معاه... حد ميسبهوش تحت اي ظروف مهما حصل اي مابينهم يكون بردو موجود بعيدا عن الخلافات ... حد يكون أمانه... سره.مُلهمه.صاحب عمره. إلي بيحكي معاه في اي وقت وبدون حدود .من الآخر حد يكون أمه وأبوه وأخته وصاحبه وحبيبه كل دول في شخص واحد ...بس نادراً اما بنلاقي الشخص دا..

Hagar Salah