الأيام كلها بتتكرر اللي بيختلف بس التاريخ اللي عمري مافكرت ابص عليه... وابص عليه ليه ؟
عشان اتحسر علي يوم ضاع من عمري وانا نايمة فيه ومفيش اي انجاز ؟! المشكلة مش ف
اليوم المشكلة انه بيتحول لأسبوع .. شهر .. سنة.. سنين ومفيش جديد مفيش أحلام
اتحققت ولا إنجازات اتعملت حتي الضحكة بقت بتطلع بالعافية بس هحقق أحلامي ازاي
وانا نايمة لازم اتحرك واعمل حاجه .. ولا اقولك كملي نوم انتي يعني اللي هتحرري
فلسطين ! حتي لو معملتش حاجة يكفيني شرف المحاولة - شرف مين كملي نوم .. وليه
ماصحاش ؟ كل حاجة ضدك وليه مواجهش ؟! مش هتقدري هي اقوي منك وليه محاولش ؟! عشان
هتتعبي.... وليه انا عايشة؟! عشان تنامي وانتي بتتحسري علي يوم كمان ضاع من عمرك
وانتي نايمة لحد مايجي ملك الموت تتمني ثانية واحده كمان وساعتها متلاقيهاش بس مش
هتلاقي وقت تتحسري فيه ... تصبحي علي خير
🖤
ردحذف