بعد ما ربنا بيهدينا الحمدلله ونعرف ان معظم حياتنا ماشينها غلط بنبقي عاوزين نتغير فجاة وبسرعة واحب اقولكوا ان ده غلط..حلو انك تبقي همتك عالية وعاوز ترضي ربنا بسرعة وخايف من عقابه الشديد بس صدقني لو اختصرت الخطوات كلها في خطوة واحدة هتلاقي الحمل تقيل مش هتقدر تستحمل ان حياتك كلها تتغير بين يوم وليلة وهتلاقي نفسك تلقائيا للاسف بترجع ورا تاني لانك مبداتش صح..مفيش انسان بيطلع السلم في خطوة واحدة لا لازم يطلع سلمة سلمة ومفيش انسان بيوصل لحلمه بسهولة لازم يتعب ويشتغل ع نفسه وكمان انت قضيت فترة طويلة من حياتك ممشيها غلطة وكنت بتمشي غلطة في غلطة يعني النهاردة تسمع اغاني بكرة تصاحب بعده تبطل تقرا قران وتحفظه لحد ما تبعد اوي فانت عشان توصل للنموذج الصح لازم تاخد خطوات واول خطوة هي النية... بمعني اي؟؟يعني تبقي ناوي وتقول يارب انا نويت التوبة تماما وبعدين تشوف بقا انت بتعمل اي غلط وتنوي تاني انك تتوب عنها طب ازاي؟؟هقولكوا قصة حد علي لساني وركزوا معايا...
-مبدئيا انا عرفت اني غلط ف حاجات كتير وعاوز اتوب اعمل اي ؟ قعدت ادعي ربنا كتير يارب اعمل اي وابدأ من انهي حاجة يارب؟وبعديها بدقتيقتين مفيش قام صاحبه زعقله قام شتمه وسب بقا وزعيق..وبعدين كان متنرفز جدا عشان هو مش بيحب حد يشتمه وكدا وبشوية لقي حديث بيقول"ليس المؤمن بسباب ولا لعان."يا الله دي اشارة ممكن حد يقرا الحديث ده ويشيره بس هو معملش كدا هو ركز في الحديث وعرف ان حرام قطعا المسلم او المؤمن يسب بسرعة اتصل بصاحبه وصالحه وعاهد نفسه ميشتمش كام يوم عدوا وكان قاعد زهقان فاضي قام مطلع الموبايل يسمع اغاني والاذان اذن وانت عارف ان حرام الاغاني طب تبدلها بايه؟؟قام مبدلها باناشيد وقراية القران وعفا نفسه من الموضوع ده نهائي..طب عدي كام يوم ونزل الشارع وشاف بنت بسرعة افتكر كلام ربنا (قل للمؤمنين ان يغضوا من ابصارهم ويحفظوا فروجهم)وغضي بصره بسرعة ومن ساعتها وهو كل ما يشوف بنت من اخر الشارع يغض بصره وميبصش فوق الا لما تعدي,مش تكبر ده علي فكرة لما تعمل كدا..وهكذا كل يوم بعد ما يشوف حاجة غلط هو بيعملها ياخد قرار انه يبطلها..وده اللي انا عاوزة اوصله,انك تبتدي باللي يجي قدامك وخطوة خطوة ربنا هيبعتلك اشارة انت بتعمل كذا غلط فتبطلها بس الاهم فعلا انك تبطلها بصدق بكل جدية وعزيمة وتتوكل علي الله وتدعي انه يثبتك ويهديك...
جزانا الله واياكم الجنة والسلام عليكم ورحمة الله وبركاته
#فرح_سامح
#لن_ابرح_حتى_ابلغ_الجنة
Farah Sameh
0 التعليقات:
إرسال تعليق