احيانا يحل المرء لنفسه القتل عن عمد...في زمن بدأ فيه موضوع انك تأجر دكتور يقتلك وانتشر تحت مسمي القتل الرحيم ومش بس كدا لا ده كان في دول زي المانيا كانت بتفرض الموضوع ده ع المعاقين بجميع صورهم على اساس انهم فئة غير منتجة ومستهلكة ووجب الابادة عليهم وده كان في عصر هتلر بس مكانش باسم القتل الرحيم كان باسم البيولوجيا التطبيقية
حكي المؤرخ Suetoniusاحدي مقالاته قصة وفاة الامبراطور اغسطس انه بعد ما عاني جدا من مرض خطير انه تم بس برغبته قتله وهو في احضان زوجته ليفيا وكانت اول ولاية ف العالم تبيح القتل الرحيم هي ولاية اوريغون اللي فيها بورتلاند مدينة قمة ف الروعة انصحكوا تشوفوا صورها المهم دي ولاية امريكية حللت الموضوع ده في عام 1997وبعدين اول دولة بقا حللت ووضعت القتل الرحيم في نصوصها القانونية هي هولندا في عام 2001 وبعدين بلجيكا عجبها الموضوع فحللته هي كمان ومن فترة حصلت ضجة ف المانيا عشان تحلله وتقضي ع كبار السن وتعتبرها سياحة جديدة اسمها سياحة الموت وبكدا تبقي دخلت التاريخ في انها وضعت سياحة جميلة بالنسبة للي نفسهم ينتحروا وكدا...خطة في منتهي الذكاء بس طبعا الشعب ثار بين مؤيد ومعارض اكيد انت بتسال اي وجهة النظر في انهم يحللوا حاجة بشعة زي دي هقولك ان وجهة نظرهم ان يحللوه بشرط يكون قتل رحيم طوعي اي يكون برغبة المريض بس خلونا نفكر ان ممكن يكون غير طوعي برضو ع اساس الميت هيموت وانت مش هتعرف تساله هل كان بارادتك ولا لا
طيب نتكلم بقا في راي الدين الاسلامي في الموضوع ده:
افتي العلماء المسلمين والازهرية ان ده محرم تماما وفقا لما ذكر في القران الكريم انه قتل للنفس التي حرمها الله وانها شبيهة بالانتحار ان كانت في حالة قتل رحيم طوعي وتعتبر ان اللي بيعمل كدا قانط من رحمة الله اما لو مش طوعية فانت برضو بتخالف امر ربنا في انك تقتل نفس حرمها الله سبحانه وتعالى اتقتل ده عنده اعاقه فربنا هو اللي خلقه كدا وله حكمة في انك !!وتتعظ وتحمد ربنا علي نعمه مش انك تقتله!!
كدا يكون خلص موضوعنا النهاردة قول رايك في الكومنتات في الموضوع ده وجاوب ع السؤال ده ودعنا نتناقش(هل لو حلل الموضوع ده في مصر هنستفاد من الموضوع ده؟؟وانت كمواطن هتعمل اي وتواجه الموضوع ده ازاي؟؟)
قراءة ممتعة ان شاء الله
0 التعليقات:
إرسال تعليق